"Naxçıvan" Universitetinin fəaliyyətinin dayandırılması ilə bağlı müraciət edilib.

Ötən gün elm və təhsil naziri Emin Əmrullayev keçirdiyi brifinqdə bu haqda məlumat verib. 

Nazir bildirib ki, ali təhsil müəssisəsinin builki son kurs tələbələri müvafiq qaydada məzun olacaqlar: "Aşağı kurs tələbələri isə digər universitetlərə köçürüləcək. Əgər tələbənin balı yüksəkdirsə, digər universitetlər onun qəbul olduğu ildəki qəbul balına görə transfer edə bilər. Aşağı nəticə göstərmiş tələbələr isə ünvanlarına yaxın universitetlərə köçürüləcək".