“Yaşıl UNEC ili” çərçivəsində Ümumi Fənlərin Tədrisinin Təşkili Departamenti və THİK tərəfindən “Vətənimizi yaşıl rəngə bürüyək!” mövzusunda EKO İDEYA müsabiqəsi elan olunur.
Müsabiqənin keçirilmə məqsədi:
- Gənclərin ekoloji maarifləndirilməsi;
- İctimai fəallığın artırılması;
- Gənclərin ekoideyalar formalaşdırmağa təşviq edilməsi.
Təqdimatları qiymətləndirərkən 3 meyar əsas götürüləcək:
- Bildirilən ideyanın reallaşmasının mümkünlüyü;
- İdeyanın orijinallığı;
- Sözügedən ideyanın ekoloji mədəniyyətin formalaşmasına təsiri.
Müsabiqənin mərhələləri:
- I mərhələ - seçim mərhələsi (27.02.2024 – 07.03.2024 );
- II mərhələ - EKO İDEYAnın təqdimatı (11.03.24-04.04.2024);
- III mərhələ - qaliblərin müəyyənləşdirilməsi (05.04.2024).
Müsabiqənin şərtləri:
- Müsabiqədə fərdi və ya komanda şəklində iştirak etmək mümkündür;
- EKO İDEYA azərbaycan dilində Vord və ya Pover Point formatında təqdim olunmalıdır;
- Titul vərəqində mövzu, iştirakçının ad, soyad, atasının adı, fakültə, qrup elmi rəhbər göstərilməli;
- Tanıtım mətni 1 səhifədən çox olmamalı.
Müsabiqənin qalibləri:
I, II, III yerə layiq görülən tələbələrə hədiyyələr təqdim ediləcək. Bütün iştirakçılar sertifikatlarla təltif ediləcəklər.
