Divan ədəbiyyatında bir şəhər və ya o şəhərin gözəllərindən bəhs edən əsərlər Şəhristan adlanır. Bu əsərlərin başında şəhərlə bağlı çox ümumi məlumatlar verilir və şəhər təriflənir. Bəzən bahar və təbiət təsvirləri edildikdən sonra, bir şəhərdəki gözəllərin bir və ya iki beytlik gözəlləməsi verilir. Bu gözəllər gözəllikləri ilə şəhərdə iğtişaş yaratdıqlarından bu əsərlərə “Şəhr – əngiz” yəni “şəhəri qarışdıran” deyilmişdir. Divan ədəbiyyatında ilk şəhrəngizi yazan Priştineli Məsihidir.
